New Orleans

Hey Lüt

Ig bi ja mittlerwile scho wieder im Land, ha aber trotzdäm no z'Bedürfnis äs paar Zile über das New Orleans ids Web usezschleudere! New Orleans isch definitiv ae grossi Stadt, aes isch sehr interessant gsi, d'Gschicht z'entdecke und ae Blick i Zuekunft z'wage: D'Luet in New Orleans läbe nach em Motto: Gniesssä, solangs no Öppis z'gniesse git! Wie und öpp New Orleans i Zuekunft dä Hurricanes gwachse isch, isch aus andere aus klar. D'Stadt isch sit Katrina gschrupmft, d'Ufrumarbeite si no 6 Jahr nach dr Katastrophe nid abgschlosse und säubscht ir Downtown gits no verlassni Wuchechratzer mit ihgschlagnige Schibe. Am Brad Pitt sis Projekt " Make it right" isch in Gang, bis itz si aber nume ä Handvou vo dene schwümmende Solarhüsli fertig bout.
Di schöne Site vo New Orleans und am Mississippi Delta si dr Jazz uf höchstem Niveau, wo mä jede Abe meh oder weniger gratis cha lose. Ä rise Viufaut vo Jazzclubs und -caffes, super!

Ae liebe Gruess u bis gli

P.S.: Chlises Fazit bezüglech Amerikaner: Mä cha us europäischer Sicht zwar ändlos drüber brichte was aues schlächt isch oder wie dumm und usinnig viles louft i däm Land, vili Amerikaner hei mi aber dür iri positivi Läbesischtellig beidruckt. Säubscht we si aus verlore hei, gloube si dra, dass es irgendwenn wieder besser wird.